Andha Kabari - Noon Meem Rashid

::: Noon Meem Rashid :::

Andha Kabari - Noon Meem Rashid

Andha kabari (Khwab Le Lo Khwab...) || Noon Meem Rashid Nazm

"Andha Kabari"(اندھا کباڑی), this Poetry lyrics are narrated by "Usmaan Wahid", and this Poetry lyrics are penned by "Noon Meem Rashid"(ن م راشد), and this video produced by Khawab Darichy.

Shahr Ke Goshon Mein Hain Bikhre Hue 

Pa-shikasta Sar-burida Khwab

Jin Se Shahr Wale Be-khabar!

Ghumta Hun Shahr Ke Goshon Mein Roz O Shab 

Ke Un Ko Jama Kar Lun 

Dil Ki Bhatti Mein Tapaun 

Jis Se Chhat Jae Purana Mail

Un Ke Dast-o-pa Phir Se Ubhar Aaen 

Chamak Utthen Lab O Rukhsar O Gardan 

Jaise Nau-arasta Dulhon Ke Dil Ki Hasraten

Phir Se In Khwabon Ko Samt-e-rah Mile!

Khwab Le Lo Khwab

Subh Hote Chauk Mein Ja Kar Lagata Hun Sada

Khwab Asli Hain Ki Naqli? 

Yun Parakhte Hain Ki Jaise Un Se Badh Kar 

Khwab-dan Koi Na Ho!

Khwab-gar Main Bhi Nahin 

Surat-gar-e-sani Hun Bas 

Han Magar Meri Maishat Ka Sahaara Khwab Hain!

Sham Ho Jati Hai 

Main Phir Se Lagata Hun Sada

Muft Le Lo Muft, Ye Sone Ke Khwab

Muft Sun Kar Aur Dar Jate Hain Log 

Aur Chupke Se Sarak Jate Hain Log

Dekhna Ye Muft Kahta Hai 

Koi Dhoka Na Ho?

Aisa Koi Shoabada Pinhan Na Ho? 

Ghar Pahunch Kar Tut Jaen 

Ya Pighal Jaen Ye Khwab?

Bhak Se Ud Jaen Kahin 

Ya Hum Pe Koi Sehr Kar Dalen Ye Khwab 

Ji Nahin Kis Kaam Ke? 

Aise Kabadi Ke Ye Khwab 

Aise Na-bina Kabadi Ke Ye Khwab!

Raat Ho Jati Hai 

Khwabon Ke Pulande Sar Pe Rakh Kar 

Munh Bisore Lautta Hun

Raat Bhar Phir Badbadata Hun

Ye Le Lo Khwab 

Aur Le Lo Mujh Se In Ke Dam Bhi 

Khwab Le Lo, Khwab 

Mere Khwab 

Khwab Mere Khwab 

Khwab 

In Ke Dam Bhi 

شہر کے گوشوں میں ہیں بکھرے ہوئے 

پا شکستہ سر بریدہ خواب 

!جن سے شہر والے بے خبر 

گھومتا ہوں شہر کے گوشوں میں روز و شب 

کہ ان کو جمع کر لوں 

دل کی بھٹی میں تپاؤں 

جس سے چھٹ جائے پرانا میل 

ان کے دست و پا پھر سے ابھر آئیں 

چمک اٹھیں لب و رخسار و گردن 

جیسے نو آراستہ دولہوں کے دل کی حسرتیں 

!پھر سے ان خوابوں کو سمت رہ ملے 

*** 

''خواب لے لو خواب۔۔۔۔'' 

صبح ہوتے چوک میں جا کر لگاتا ہوں صدا 

خواب اصلی ہیں کہ نقلی؟'' 

یوں پرکھتے ہیں کہ جیسے ان سے بڑھ کر 

!خواب داں کوئی نہ ہو 

*** 

خواب گر میں بھی نہیں 

صورت گر ثانی ہوں بس 

!ہاں مگر میری معیشت کا سہارا خواب ہیں 

*** 

شام ہو جاتی ہے 

میں پھر سے لگاتا ہوں صدا 

"مفت لے لو مفت، یہ سونے کے خواب 

''مفت'' سن کر اور ڈر جاتے ہیں لوگ 

اور چپکے سے سرک جاتے ہیں لوگ 

''دیکھنا یہ ''مفت'' کہتا ہے 

کوئی دھوکا نہ ہو؟ 

ایسا کوئی شعبدہ پنہاں نہ ہو؟ 

گھر پہنچ کر ٹوٹ جائیں 

یا پگھل جائیں یہ خواب؟ 

بھک سے اڑ جائیں کہیں 

یا ہم پہ کوئی سحر کر ڈالیں یہ خواب 

جی نہیں کس کام کے؟ 

ایسے کباڑی کے یہ خواب 

"!ایسے نا بینا کباڑی کے یہ خواب 

*** 

رات ہو جاتی ہے 

خوابوں کے پلندے سر پہ رکھ کر 

منہ بسورے لوٹتا ہوں 

رات بھر پھر بڑبڑاتا ہوں 

''یہ لے لو خواب۔۔۔۔'' 

''اور لے لو مجھ سے ان کے دام بھی 

خواب لے لو، خواب 

میرے خواب 

خواب میرے خواب 

خواب 

"ان کے دام بھی